Tagestour "Böhler"
2 Bilder
VCS Tour Böhler
Samschtig am 8i 10 strammi Manne, wänd de Böhler haue i’d Pfanne;
Es churzes Högerli isch de Böhler, de Joachim G2 fräset ufe als wärs im wöhler;
de arm René mues d’Löcher wieder schlüsse, mir vo de G1 chönds vo hine gnüsse,
um churz vor de Höchi vorbi z’schüsse;
vor em Start hät de Joachim chli pokeret, er hegi ä schweri Tour i de Bei und sig nüme so lockeret;
gfüert hät er sini Gruppe wie am a Ränne, hine tüend bi de einte d’Bei nu na bränne;
guet isch Nottu bald in Sicht, so mues er stoppe de schnälli Wicht;
im Karibik Beizli tüemer eus stärke, den es gaht witer mit wärke;
ich bi zwar de meinig gsi jetzt nu na rolle, aber dänkste träte i die volle;
eusi Champs Guido und Paul das sind Maschine, de Harald und ich händ müese lide hine;
de Koni hät das alles nöd gstört, de Oldi fahrt eifach unerhört;
zäme simer G1 im Schnitz z’Steihusse acho, alli na munter aber froh;
au G2 hät bald de Wäg in Schnitz gfunde, so simer wieder ali vebunde;
s’verdiente Bier händ de Jmmy und alli gnosse, nöd nu bim astosse;
allne viele Dank, das mer gschafft händ jede Rank!»
Eue Vize
Vielen Dank Ernst für diesen Beitrag.
René
